Дэлхий нийтийг өртөөлөн холбодог цахим ертөнцөөр дамжуулан та бүхэндээ Дорнын говийн нийт иргэдийнхээ өмнөөс эрүүл энх, аз жаргал, сайн сайхан бүхнийг хүсэн мэндчилж байна. Хутагтийн нутгийн хүн зоны амьдрал түүх соёл, ёс заншил, байгаль, цаг уурын онцлог, аймгийн төр захиргааны байгууллагын үйл ажиллагаа, бүтээн байгуулалт, нийгэм эдийн засгийн өнөөгийн байдалтай цахим ертөнцөд аялан танилцана уу.
        Бид эрдэс баялагаа зохистой ашиглах, аялал жуулчлалыг хөгжүүлж, байгаль орчноо хамгаалан, уламжлалт мал сүрэг, хөдөө аж ахуйг эрчимжүүлэх, орчин цагийн боловсрол соёл, хөгжлийн зөв бодлого, говь нутгийн ард түмний ажилсаг хөдөлмөрч чанар энэ бүхэн бол Дорноговьчуудын хөгжлийн баталгаа юм.
       Цахим ерөнтөнцөөр аялагч та бүхэндээ ажил хөдөлмөрийн өндөр амжилт, аз жаргал, сайн сайхан бүхнийг хүсэн ерөөе.
ЗАСАГ ДАРГА Т.ЭНХТҮВШИН